Assamese Poem : সন্ধান

 সন্ধান

অৰ্চনা হাজৰিকা

সপোনৰ দলিছা দেখিছানে বাৰু?

সপোনবোৰ হয়নে বাৰু পূৰণ?

কেতিয়াবা সপোনচোন সপোন হৈয়ে ৰয়

বাস্তৱিকতাৰ মায়া জালে যে আৱৰি পেলায়

ভৱা হয় এক, কাৰ্য হয় এক

ধুসৰিত এক মায়াজাল মাথোঁ!

থাকো আমি মায়াজালৰ পাশত

যোৱাৰ সময় আমি গমকে নাপাওঁ

থাকি যায়চোন বহু কাম কৰিবলৈ আমাৰ

প্ৰতি কৰ্ম কৰি যাওঁ আমি

আগবাঢ়ি যাওঁতে উজুটি খাওঁ

ধীৰ গতিৰে আমি আগবাঢ়ো

পিচলি নপৰিবা, গতি কৰা লাহে লাহে

প্ৰতি খোজত যোৱাৰ প্ৰতিশ্ৰুতিৰে,

অৱকাশ নাই যে আমাৰ!