Assamese Poem : একেই হৈ থাকিবনে সময় ~ JOBON.IN

Sunday, September 19, 2021

Assamese Poem : একেই হৈ থাকিবনে সময়

 


"মৃতকৰ লগতে গুচি নাযায় একো,

পৃথিবী একেই হৈ ৰয়"

      মণিকুন্তলা ভট্টাচাৰ্য


একেই হৈ থাকিবনে সময় 

ময়ূৰী শৰ্মা গোস্বামী 


পৃথিবী একেই হৈ ৰয়।


ৰয় নে একেই হৈ পৃথিবী?

ৰং থাকেনে একেই হৈ?

থাকেনে একেই হৈ মন ?

আশা থাকি নাযায় নে

শেষবাৰলৈ এক সহৃদয়ৰ আলিংগন। 


বুকুয়ে বুকুয়ে সজা হৈ যায় পঁজা, 

সেই পঁজাৰ প্ৰতি বেৰতে ভালপোৱাৰ নিচা! 

সেইখন বুকুতে উমি উমি জ্বলি নুঠিব জানোঁ

হেজাৰ শোকৰ এখন এখন চিতা? 

দিন আৰু ৰাতি, 

মাথোন দিন আৰু ৰাতি হ'ব,

হ'ব মাথোন সময়ৰ ৰংহীন কম্পন, 

একেই থাকিব জানোঁ উশাহৰ প্ৰতিটো স্পন্দন? 


মাথোঁ একেই থাকে

ভালপোৱাৰ সংজ্ঞা। 

একেই থাকে আত্মীয়তাৰ সুঘ্ৰাণ। 

নিস্বাৰ্থ ভালপোৱাৰ আজ্ঞা ।

একেই ৰৈ যায়

স্মৃতিৰ সোণালী সৌধ। 

একেই ৰৈ যায় প্ৰাণ প্ৰাচুৰ্যতাৰ মহৌষধ ।


বুকুৱে বুকুৱে সদায়ে থাকিবা, 

হাঁহিৰ এটি এটি ফোঁৱাৰা হৈ। 

স্মৃতিয়ে স্মৃতিয়ে সকলোকে বুৰাবা, 

গুণগুণগানৰ জলপ্ৰপাত হৈ।

Share:

0 comments:

Post a Comment

Labels

Contact Us

Name

Email *

Message *

Pages