কবিতা : অন্ধকাৰ

 

অন্ধকাৰ

নিবেদিতা ভৰালী

এন্ধাৰৰ আগজাননী

অহৰহ আহিব লাগিছে

  বতাহৰ চুকে কোনে

বিপদৰ সংকেতৰ ধ্বনি

বিয়পি পৰিছে চৌদিশে

আকাশ মাৰ্গ আজি অন্ধকাৰ

ত্ৰস্তমানত বাকৰুদ্ধ।

এক দুৰ্দমনীয় শক্তিলৈ

পোন্ধৰ আগষ্টত উৰিল

বিজয়ৰ পতাকা 

  তালিবানৰ।

সৰ্বসাধাৰণ জনতাৰ

মাজত সৃষ্টি হ'ল

এক অবৰ্ণনীয় পৰিস্থিতি। 

হাহাঁকাৰ কৰি উঠিল

 শিশু, কিশোৰী, মহিলা

প্ৰাণৰ সংশয়ত 

কপিব লাগিছে

আফগানী নাৰী

পৰিস্থিতিৰ দাসত পৰি

নিশাটোৰ ভিতৰতে

সলনি হ'ল ভাগ্য

ভেঁটি-মাটি এৰি আজি

    পলাতক

নিৰাশ্ৰয় হৈ দৌৰিব লাগিছে

আজি আশ্ৰয় বিচাৰি।