কবিতা : শাওণ মাহৰ প্ৰকৃতিৰ বিনন্দীয়া ৰূপ "ঋতমভৰা"

 শাওণ মাহৰ প্ৰকৃতিৰ বিনন্দীয়া ৰূপ "ঋতমভৰা"

অৰ্চনা হাজৰিকা

তৰ্জন গৰ্জনে আহিলা মেঘ

গুজৰি গুমৰি হুংকাৰ দিলা

বিজুলীৰ চমকনিত মুষলধাৰে

ঢুৱালা ধৰিত্ৰীৰ বুকু।

শাওনৰ পচোৱাই পথাৰ শুৱনি কৰে

প্ৰকৃতিয়ে পূৰ্ণ যৌৱনা ৰূপ পায়।।

উৰুখা পজাবোৰত ধাৰাষাৰে

বৰষুণৰ পানীৰে উপচি পৰে।

নৈ পৰীয়াসকল সচেতন হৈ পৰে।

পথাৰ শস্য শ্যামলা হৈ পৰে

শাওন মাহ হৈ পৰে খেতিয়কৰ প্ৰাণ ৷

সজাল ধৰা সেউজীয়া দলিচাতে

সপোনৰ সুৱগা ৰচি সুখৰ সুৰভি বিলায়।