কবিতা : মাটিৰ মানুহ ~ JOBON.IN

Thursday, May 27, 2021

কবিতা : মাটিৰ মানুহ

 


মাটিৰ মানুহ

প্ৰতিভা ভাগৱতী শৰ্মা

ক'ত বা আছে তেওঁ...?
কোন...?

মাটিৰ মানুহ।

চ'তে চিৰালফাট দিছেই
কালিলৈ শাওনৰ ঢল আহিব
তেওঁহে নাই...

পূবে ৰঙাঘোঁৰা দৌৰিছে
ৰঙা চাহৰ বাতিটোৱে জিভাখন পুৰিলে
গোহালিৰ বলধহালে হেম্বেলিয়ালে

এতিয়া তেওঁ নাই
বলধহালো নাই
তেওঁতকৈ আগতেই গ'লগৈ
নাঙলৰ সীৰলুত মামৰে ধৰিছে
নাঙলৰ কাঠ ঘূণে কুটিছে
ঘামে  সিক্ত শৰীৰটো নিঃশব্দে শুইছে

মাটিৰ সৰগ ৰচা নহ'ল
নাঙলৰ সীৰলুত সোণগুটিৰ জাহ গ'ল

ডিঙিটো ঘূণে ধৰিলে তেওঁৰ
মই বলধহাল মহাজনক দিলোঁ
লাভালাভৰ হিচাপ নহ'ল
তেওঁ গ'লগৈ...

এতিয়া নিঃশব্দে বিচাৰি ফুৰিছোঁ মই
মৰুভূমিৰ প্ৰান্তৰৰ পৰা পথাৰৰ বুকুলৈকে

কিজানিবা
মাটিৰ সৰগৰ আপাহতে তেওঁ জীয়ন দি আছেই।
ফোন : ৯১০১৮৩৭২১২


Share:

0 comments:

Post a Comment

Labels

Archive

Follow by Email

Contact Us

Name

Email *

Message *

Pages